ჩუღურეთის რაიონის გამგეობის ორგანიზებით, რაიონში არსებულ სკოლებს შორის ფრენბურთის ჩემპიონატი გაიმართა. ერთმანეთს 13 სკოლის, გოგონებისა და ვაჟების გუნდები შეეჯიბრნენ. ვაჟების ნაკრებებს შორის პირველი ადგილი 30-ე საჯარო სკოლამ დაიკავა, მეორე ადგილზე 23-ე საჯარო სკოლა გავიდა, ხოლო მესამე ადგილის მფლობელი მე- 4 საჯარო სკოლა გახდა.
გოგონებს შორის კი ადგილები ასე გადანაწილდა: პირველი ადგილი - 30-ე საჯარო სკოლა, მეორე ადგილი- 37-ე საჯარო სკოლა, მესამე ადგილზე კი 36-ე საჯარო სკოლა გავიდა. გამარჯვებულებს ჩუღურეთის რაიონის გამგებელმა ზურაბ ჩიკვილაძემ თასი, მედლები და სიგელები გადასცა.
ჩუღურეთის რაიონის გამგეობა მსგავსი სახის სპორტული ღონისძიებების ჩატარებას ახალგაზრდების ჯანსაღი ცხოვრების წესით დაინტერესების მიზნით მომავალშიც გეგმავს.