აპარატის ძირითადი ამოცანები და ფუნქციები
1. აპარატის ძირითადი ამოცანებაა გამგეობის საქმიანობის საინფორმაციო, ტექნიკური, საკადრო, იურიდიული და ორგანიზაციული უზრუნველყოფა.
2. აპარატის ძირითადი ფუნქციებია:
ა) გამგეობის ორგანიზაციული და ადმინისტრაციული საქმიანობის უზრუნველყოფა;
ბ) ერთიანი საქმისწარმოების განხორციელება;
გ) გამგეობაში დაცული საჯარო ინფორმაციის ხელმისაწვდომობის უზრუნველოფა;
დ) გამგეობის სტრუქტურული ერთეულებისათვის (განყოფილებებისათვის) და თანამდებობის პირებისათვის დავალებათა, მითითებათა დროული მიწოდების უზრუნველყოფა და მათი შესრულების კოორდინაცია;
ე) გამგეობის საქმიანობის საინფორმაციო უზრუნველყოფა;
ვ) გამგეობის ადამიანური რესურსების მართვა და საკადრო უზრუნველყოფა;
ზ) აპარატს მიკუთნებული უფლებამოსილების ფარგლებში ადმინისტრაციულ ორგანოთა ფიზიკურ და იურიდიულ პირთა წინადადებებისა და განცხადებების განხილვა;
თ) გამგეობის დებულებით და გამგებლის დავალებით განსაზღვრული სხვა ფუნქციების განხორციელება.